Karta sorta honetan 40 karta daude, guztiak sinatuta. Atzealde zuria dute, XVII. mendeko erdialdera arte ez baitziren atzealdeak inprimatzen. Hasieran, irudi geometriko sinpleak egiten ziren, eta, pixkana-pixkana, sofistikatu egin ziren.

Bateko urrean eta biko ezpatan "ERREGEAREN LIZENTZIA DU" testua ageri da, erregeak karta horien fabrikazioa baimentzen zuela adieraziz. Izan ere, bai jokoa, bai karten fabrikazioa eta salmenta, legearen eta zergen menpe zeuden.

Karta sorta honetako beste karta batzuetan bestelako inskripzioak ikus daitezke: noiz eta non egin ziren, baita fabrikatzailearen izena edo inizialak ere.